ZIANI-15 المدير العام لمنتدى محبي المنتخب الجزائري و زياني
رقم العضوية : 15 عدد المساهمات : 123 نقاط التميز : 16454 السٌّمعَة : 7 تاريخ التسجيل : 08/04/2010 العمر : 27 الموقع : www.karimziani15.yoo7.com
| موضوع: الدنيا والزمان الإثنين أبريل 12, 2010 12:17 am | |
| يا جماعة هذا واحذ صراتلو مشكلة راهو رايح يحكيهالنا باه حنا نتفاداوها و ما نطيحوش في نفس الغلطة نتاعو أنا حكايتي مع الغرام حكاية لون نعيدهالكم ألف كتاب وميكفيش ، أنا قصتي بدات قبل خمس سنين من اليوم تعرفت بوحدة من بلدي طفلة شابة الله يبارك ، الصراحة عجبتني هدرت معاها وتفاهمنا على كلشي كانت معايا في الزينة وفي الشينة منكذبش عليها الكذب ماشي مليح ، كنت صح هابل عليها ومزالني هابل عليها وعارف لون تقراو هاذ الموضوع تقولو عليا مهبول ، لكن ميهمنيش ، لي يهمني إني نفرغ واش كاين في قلبي ... منيش نقول خمس سنين فوتناهم كامل ملاح ، فيها شوية مشاكل نتفارقو ويعاود يروجينا العشق ، وأنا لي منصبرش عليها ... وحتى من العجوووز يما عارفة بلي راني مع طفلة وقاتلي جيبهالي للدار نشوفها وأنا درتلها بخاطرها وشافتها يما وعجبتها ، وقالت ربي يكمل بيناتكم لكن دعوة العجوووز مصدقتش خاطرش دخلو فيها الغيورين هوما لي دارو بيناتنا بعد خمس سنين وأنا معاها ، من الأول عاطلتي قلبها ومن بعد زادتلي صورتها وفي الاخير حرمت عليها روحها ، شكت فيا بلي راني بدلتها ، mais هاذا ماشي رايها راي صحباتها هو لي خلاها تشك فيا انا لي حبيتها ، يا الأخاوة طلبت الفراق وانا عمري مارديها في حاجة طلبتها مني خاطرش كنت حاطها غير هي بين عينية كانت ومزالت راس مالي في هاذ الدنيا ،ضرك رانا في أكثر من شهرين تسيربارينا mais لون تعرفو واش راه صاري فيا على جالها متأمنونيش لحقت لوين حليت يدي على جالها وكتبت فيها إسمها ومنيش نادم على هاذ اليى لي درتو mais هاذا هيا الدنيا واش رايح ندير مهيش مكتبة نكملو مع بعض الله غالب هاذا ربي واش كتب من صغري وأنا معذب وماعرفت زهري وين زهري انيا ديما خايب وقلبي موالف يتعطب وشحال قاسيت من أجل الحب وأنا لي ضيعت على جالو سنين ....
منيش نقول في هاذ الكلام باه نشهر في روحي ولا نقطع في الطفلة لكن يالخاوة هاذا الواقع راني نقول فيه انا الكلام لي راني نقول فيه باه تدو ا نظرة على الحب خاطرش الحب من طرف واحد رام ميكملش الطريق رايح يصرى واش مكنتش داير في الحساب وفي الأخير رايح تعاني وتقاسي وماعليك غير تتحمل العذاب ...
ماغاضتنيش كي تسيبارينا خاطرش كنت حاط في بالي بلي رايحين نلولو لبعض mais الحاجة لي غاضتني أنها فاتت عليها وهي وحنونها الجديد قدامي ودرات روحها كلي مشافتنيش، وأنا كنت قادر ثم نظرب هاذ السيد ونزيد نظربها لكن خاطري مهنانيش كي سولت على الطفل قالولي بلي راه فارس الأحلام نتاعها ، أنا هاذي لي غاضتني ومزال مدخلتش في راسي مليح الله غالب واش رايح ندير ناس بكري يقولو : (لي مكتوبة الجبين موحال يمحوها اليدين ) أنا لي راه مكتوب في جبيني راني عايشوا وراضي بلي كتبلي ربي نعيشوا
لكن انا حاجة وحدة منزيدش نأمن بيها وهي كلمة الحب خلاص هاذ الكلمة بالظبط محيتها من القاموس نتاعي ومعتدش نأمن بيها وإنشالله منزيديش نأمن بيها خلاص خاطرش مايحس يالجرة غير لي كواتو
وفي الأخير نقولكم هاذي هي القصة نتاعي ومنيش عارف واش ندير ،وعلى واش صرالي خلاص معدتش نامن بالحب ...
| |
|
abdo2
رقم العضوية : 2 عدد المساهمات : 8 نقاط التميز : 5015 السٌّمعَة : 20 تاريخ التسجيل : 29/05/2010 العمر : 27 الموقع : www.karimziani15.yoo7.com
| موضوع: رد: الدنيا والزمان الأحد مايو 30, 2010 12:17 am | |
| | |
|